Ghazals & Shayari

Barason Ke Baad Dekhaa Ik Shakhs Dil Rubaa Saa Ab Zehan Mein Nahin Hai Par Naam Thaa Bhalaa Saa Abaru Khinche Khinche Se Aankhen Jhukii Jhukii Sii Baaten Rukii Rukii Sii Lahajaa Thakaa Thakaa Saa Alfaaz The Ke Jugnuu Aavaaz Ke Safar Mein Ban Jaaye Jangalon Mein Jis Tarah Raastaa Saa Khvaabon Mein Khvaab Us Ke Yaadon Mein Yaad Us Kii Niindon Mein Ghul Gayaa Ho Jaise Ke Rat-Jagaa Saa Pahale Bhii Log Aaye Kitane Hii Zindagii Mein Vo Har Tarah Se Lekin Auron Se Thaa Judaa Saa Agalii Muhabbaton Ne Vo Naa-Muraadiyaan Dein Taazaa Rafaaqaton Se Dil Thaa Daraa Daraa Saa Kuchh Ye Ke Muddaton Se Ham Bhii Nahin The Roye Kuchh Zahar Mein Bujhaa Thaa Ahabaab Kaa Dilaasaa Phir Yun Huaa Ke Saavan Aankhon Mein Aa Base The Phir Yun Huaa Ke Jaise Dil Bhii Thaa Aabalaa Saa Ab Sach Kahen To Yaaro Ham Ko Khabar Nahin Thii Ban Jaayegaa Qayaamat Ik Vaaqia Araa Saa Tevar The Berukhii Ke Andaaz Dostii Ke Vo Ajanabii Thaa Lekin Lagataa Thaa Aashnaa Saa Ham Dasht The Ke Dariyaa Ham Zahar The Ke Amrit Naahaq Thaa Zonum Ham Ko Jab Vo Nahin Thaa Pyaasaa Ham Ne Bhii Us Ko Dekhaa Kal Shaam Ittefaaqan Apanaa Bhii Haal Hai Ab Logo Faraz Kaa Saa

Urdu poetry by Ahmed Faraz