Yai Dil Yai Pagal Dil Mera Kyon Bujha Gaya Awaragi

Is Dasht Main Ik Shahar Tha Wo Kya Hua Awaragi

Kal Shab Mujhe Be-shakl Si Awaz Ne Chaunka Diya

Main Ne Kaha Tu Kaun Hai Us Ne Kaha Awaragi

Ik Tu Ki Sadiyon Se Mere Hamrah Bhi Hamraz Bhi

Ik Main Ki Tere Nam Se Nashna Awaragi

Yai Dard Ki Tanhaiyan Yai Dasht Ka Wiran Safar

Ham Log To Ukta Gayai Apani Suna Awaragi

Ik Ajanabi Jhonke Ne Jab Pucha Mere Gam Ka Sabab

Sahara Ki Bhigi Ret Par Main Ne Likha Awaragi

Le Ab To Dasht-e-shab Ki Sari Wusaten Sone Lagin

Ab Jagana Hoga Hamain Kab Tak Bata Awaragi

Kal Rat Tanha Chand Ko Dekha Tha Main Ne Khwab Main

`mohsin` Mujhe Ras Ayaigi Shayad Sada Awaragi